احب اذا رحت الجمعيه احوس صوب قسم الكريمات والشامبوات اشوف شنو اليديد والمعروض ...الحين طبعا صرت احوس اكثر صوب قسم الحفاظات ولوازم الاطفال....بس فيه شي بالجمعيه ينغص علي استمتاعي بهالمهمه....وحوش تتربص لي وحق غيري واقفين بين الرفوف اللهم ياكافي ...لابسين بوالطو بيض ومرتزين ....هالوحوش اهما مندوبين التسويق مادري صح اسمهم جذي ولالا .... عسى ما خطت ريلي صوبهم الا تيمعوا علي من كل صوب ....تفضلي يا مدام عندنا عرض ....يامدام الكريم ده بينعم البشره ويخليها جنان......ابتسم بكل نعومه واقول لا شكرا ...عبالكم يفجون لاااا...يظلون حنه وراي لين ازهق واروح مكان ثاني... ...وحده منهم مره قالت لي بكل صراحه كانت واقفه وراي وانا اشتري شغله حق بناتي ومو راضيه تفج قالت لي ..اصل السوبرفايزر بيبص علي وحيكلمني لو سبتك !!! شقولها هذي بالله ...قطيت اللى بيدي ومشيت ..ترى مو قاعده ابالغ بس اللى بجمعيتنا شي مو طبيعي ولله وما يوقفون الا عند الاقسام اللي احب اتمشى فيها
مشوار الجمعيه صار بائس وتعيس صراحه
وحوش بين رفوف الجمعيه
Subscribe to:
Post Comments (Atom)
11 comments:
لا تلتفتين عليهم ولا تعطينهم ويه ابد
وان كلموج طالعيهم بعين الغضب
بس ما يجربون
صاجه والله يلوعون الجبد
حي الله الزين نورتي
اى الحين صرت اسوي جذي بس هم ماكو فايده فيهم هههههه
خلاص بعتزل الجمعيه :P
مرحبا
حسيت فيج وحسيت بمعاناتج
صج شي ينرفز
امشي بسرعه ولا تتلفتين سوي روحج مشغوله
بتلفونج بشي بيدج اي شي
:)
السلام..
اوف يبطون الجبد انا انحاش منهم ..
واحقرهم ..
ومشكوره..
ههههههههه هاييله قم الmarketing الله يعينا
تقبلي تحياتي
http://sallat-fawakeh.freehostia.com/index.htm
السلام عليكم//
حتى انا احب اروح الجمعية، وأكثر شي اوقف عند اممممممممممممممم
كل شي ههههه
انا كنت وايد اجامل لا واشتري بعد من عندهم
الحين اخلي عمري ماأشوفهم ولا اسمعهم
لين مره كنت واقفه اخذ قطن للوجه والاذن
وهي تقول مدام، مدام ، مدام ، مدام
جان التفت واقووول وانا معصبه واااااااااااااات!!!!!!
هههه
وااااا ياكرههم !! انا كل ما قالولي شي قمت أقولهم عندي منه!! :)
الله كريم صج وجودهم ماله داعي!
اي والله صاجه يقثووون الواحد
fiona : الظاهر انتي بعد ماذينج لانج حاسه فيني ... اي قمت ازفهم الحين ههههه تحياتي
رورو الشخبوطه : حدهم يبطون الجبد وزين تسوين فيهم عندج اياهم لوووول تحياتي
sallat-fawakeh : اي والله الله يعينا عليهم تحياتي
اللولو المنثور : اي انا بعد ساعات من حنتهم اشتري بس الحين صرت انحاش منهم
تحياتي
Engineer A : لا انا صرت اقولهم شكرا اذا ابي ادل مكانه ههههههه وحدهم ماله داعي عندنا عيون ونعرف نشتري تحياتي
Fatto : حد حد المغثه ياختي
تحياتي لكم جميعا
ييييه انا نفس الحاله
ولو ابا شي وحد يحشرني عليه اخليه واقول ماباه!!!!
هههه حبيت طريقه كتابتج للموضوع
:)
ييييه انا نفس الحاله
ولو ابا شي وحد يحشرني عليه اخليه واقول ماباه!!!!
هههه حبيت طريقه كتابتج للموضوع
:)
Post a Comment