اقدس اللغة العربية وطول مراحلي الدراسية كنت متفوقه بالعربي اكثر من باجي المواد...حتى بالتعبير كنت اخذ علامة كاملة...حتى زميلاتي بالمدرسة كانو يخلوني اكتبلهم مواضيع التعبير .. .. ما طورت هالموهبه او هالمهارة عندي لاني حدي كسولة وكله مالي خلق.. المراد الحين لي ييت اكتب مسج حق احد اكتب لهم بالحروف الصحيحة مثلا انا بالبيت مو انا بلبيت! او مثلا تبون تطلعون ؟ مو بطلعون؟ والاحظ انه وايد يكتبون الكلمات بهالطريقة ويبلعون الحروف واستنكر هالشي صراحة وايد.. احس ان لازم يكتب الكلمة عدل !!! والمشكله ان رفيجاتي يستغربون مني ويقولون لي ليش تكتبين الكلام جذي؟؟؟ يعني انا صرت غلط الحين؟؟ وفعلا وايد الاحظ ان الاملاء عند الناس كله غلط بغلط والشي هذا يبط جبدي!!!لغتنا العربية اندثرت واحنا مو حاسين
لغة عربية!!
Subscribe to:
Post Comments (Atom)
13 comments:
والله أنا نثلج .. طفارتي أشوف بدلية !!
ما أحب أكتب الكلام إلا بقواعده الصحيحة ..
و يضايقني إذا شفت الظاد مكان الضاد !!
والله المسجات حدث ولا حرج !!
أذكر أيام الجامعة .. لما قلت حق ربعي إني ماخذ مادة قواعد برة الكلية و مالها شغل بتخصص العلمي .. بس علشان أرفع معدلي .. استنكروا و يقولون أكو أحد يرفع معدله بقواعد اللغة العربية !!
و فعلا الحمدلله خذيت
A-
ذكرتينى بايام الدراسة ما ارضى انى اغير الضاد بالظاد والحين اشوف البدليات عل قفى من يشيلى
اللغة العربية بحر جميل وهادئ لكل من يريد ويحب ان يبحر
تحياتى لك باختيار هذا الموضوع الجميل
اذكر كان فى شعر اسمه اللغة العربية تندب حالها او شئ من هذا القبيل
تحياتى
kuw son
اى انا بعد طفارتي البدليات بالمسجات ودى اصلح لهم على طول بس اخاف يقولون شفيها سيبويه :PP
mishari
عاد الضاد والظاد خلها على كتر محد قام يفرق بينهم السالفه صارت كلها ظاد بظاد وياريت تحط لنا هالابيات اللى ذكرتها عن اللغة العربيه عشان نتحسر يميع :)
منو فيكم يذكر برنامج مدينة القواعد ؟ برنامج عراقي عن اللغه العربيه مع اني كنت ياهل وقتها بس كنت اشوفه مع ابوي.. طلعت السالفه وراثه ههههههههه
وَسِعْتُ كِتَابَ الله لَفْظَاً وغَايَةً
وَمَا ضِقْتُ عَنْ آيٍ بهِ وَعِظِاتِ
فكيفَ أَضِيقُ اليومَ عَنْ وَصْفِ آلَةٍ
وتنسيقِ أَسْمَاءٍ لمُخْتَرَعَاتِ
أنا البحرُ في أحشائِهِ الدرُّ كَامِنٌ
فَهَلْ سَأَلُوا الغَوَّاصَ عَنْ صَدَفَاتي
هذا جزء منها واللينك اللى تحت تقدرين تقرين القصيدة كاملة
:)
وحيالله اهل اللغة
http://www.adab.com/modules.php?name=Sh3er&doWhat=shqas&qid=13086
مشكور مشاري
هذا مو جنه كانو يعطونا اياه بالمدرسة؟ بيت انا البحر في احشائه الدر كامن فهل سألو الغواص عن صدفاتي
جني اشوفها الحين مسوينها وسيله ومعلقينها عندنا بالصف
جنه انا بعد كنت مسويه الوسيله!!! :P
الله يرحم ايام الدراسة و الثانويه و العربي كنت من طقتكم :S
من عقب الجامعه و الشغل و اللويه
الحين حتى مسج عربي ماعرف اكتب
حدي الاختصارات بالانجلش و يالله
اكيد بتندثر دام الناس همها تتكلم انجليزي وتواكب التطور
وجنه التطور مايستوي الا بالابتعاد عن اللغه الام،، لغة القرآن
صادقه اللغه العربيه احلى لغه
ان شالله نكون ملمين فيها ونقدر نوفي حقها
مشكوره على بوست
tgoleen t7ebeen allogha al3arabia wayeeed...bas taktebeen alpost bel lahja lekuwaitia....chan ketabtay bel fos7a...3alashan e7na eli alfos7a 3endena 9efeeer net3alam shaw :)
صح عدل هذى اهي :)
بس الظاهر نوعج تاخذين الالف بالوساااااايل
طحنى عليج :))
الفجر البعيد :عدل كلامج
Mysold : شكرا على زيارتك
غشيمة: كتبتها باللهجة الكويتيه عشان توصل لكم اسرع وماتقولون هذي تتفلسف علينا
مشارى: لا حرام عليك صج كنت شاطرة فيها :)
آنا مثلج بالضبط
وأحيانا بزيادة
أكتب الهمزة على حسب الكلمة إذا كان فيها همزة قطع .. أو وصل وأحط الهمزة فوق
وفعلا .. دايما يسإلوني ليش تكتبين المسج جذيه .. عندج وقت؟
أقولهم لأ .. بس هذي الكتابة الصحيحة
عشان تنقري عدل
موضوع وايد حلو
اللغة العربية بحر
فيه قواعد النحو والبلاغة والمعاني والصرف
لكن انتشار اللهجات المحلية
غلب اللغة العربية
وما شاء الله
بالكويت مشكلة
القاف والغين
والضاد والظاء
وايد شغلات
ودمتم بحب وود
Post a Comment