على ضغوط شديده هالايام اني لازم اطبخ.. كانت لي محاولات مع الطبخ بعضها ناجح جدا وبعضها "حاجه تكسف" مو يقولون الطبخ نفس .. انا احس ان نفسى بالطبخ مو شي مادري ليش مع اني ودي اكون طباخه ماهرة بس كله الاكل متعومس معاي.. قاعده احاول اخذ وصفات من الوالدة عشان اطبقها...امي جزء من المشكله .. يقولون لي شلون الوالده تطبخ هالطباخ الطيب وانتي ماتعرفين تسوين شي {بقطها براس امي الحين} طبعا عندي مكتبه كامله من كتب الطبخ من جميع اجزاء كتب المطاحن الى كتب عبير الراشد وكتاب الطباخه بيري وهذا تقريبا نفس المجلد فيه شرح بالصور بس ولا مره سويت منه شي مع اني شاريته من سنه .. والطامة الكبري اني احب اطالع برامج الطبخ مادري ليش .... احسها متعه صج.. تصنع شي من ايدك وتاكله وتوكل اللى تحبهم "منو اللى اخترع نظريه اقرب طريق لقلب الرجل معدته ودي اذبحه" بحاول اخذ كورس مكثف هالاسبوع وماني طالعه من المطبخ كلش يااغلبه يا يغلبني...صج مساكين احنا يالنساء علينا وايد ضغوط نفسيه
:P
11 comments:
:D
i love cooking, i can't live with out it, :) ...
i really appreciate the fact that ur trying and not giving up :), we dont see that alot these days, good for you.
عزيزتي
تعاملي مع الطبخ وكأنه هواية أو طقوس تعبدية, ولاتحاولين تطبخين أي شيء وإنتي زعلانة أو مكتئبة لأن هذي المشاعر تنتقل للأكل كطاقة سلبية
أنا بالنسبة لجملة "إشلون الوالدة طباخها طيب وإنتي لا" ترى هذي نوع من الغشمرة المتداولة, وعندنا وعندج خير
:)
الظاهر زوج المستقبل قرب و ناطر على الأبواب
:P
والله ليش في هالوقت و بالذات طايحتله طباخ و تعلم الطباخ و أسراره
;)
الله يعينج و يوفقج :)
ray : me 2 love cooking.. but just to watch it at tv esp bbc food :P
لمياء الحالمه :المشكله انه هالجمله
صارت معاياة اكثر منها غشمره :p
kuw_son: اهوه الزوج ناطر بس مو على الابواب ..ناطر بالبيت وطقت جبده من اكل المطاعم :P
يا سلام على الطبخ
أيام ما كنت عايش بروحي برا الكويت
كل خميس كنت أطبخ
ولما كان ييني أخوي أطبخ له طبخه
وأقوله شنو هالطبخة
يقول لي
كأنها مجبوس دياي
أقوله
زين بدام قلت كأنها يعني أنا نجحت بالطبخة
بس أحلى شي أطبخه
برياني ربيان
لأنه بسرعة يخلص
ودمتم بحب وود
و الله احس جنج تتكلمين عني هيهيهي احب برامج الطبخ و احب اشتري كتب بس و الله ثلاجتي ما فيهل غير حليب كاكو و فراولة و الفرن ما استخدمه الا حق فحم البخور هاهاها و امي ماشالله طباخها خيالي :)
آنا أحب أطبخ الطبخة مرة وحدة بس لاأحد يطلبها مني مرة ثانية
أتقنها مرة وحدة بس .. وعاد إنتي وحظج .. إذا مشويات .. أو محاشي .. أو غيره
أعرف أصناف وايدة .. بس بالسنة حسنة أطبخ برمضان وأول يوم فقط لاغير
بيني وبينج .. استغفر الله العظيم ماحب ريحة الأكل أدوخ منها
راسي يقعد يعورني، بعدين
آنا شارطة شرط
الريل إيي معاه طباخ مو مستعدة للطبخ والنفخ
اذكر مرة كنت مسافر بدورة طويلة
وقاعدين انا ورفيجى بالشقة فقمت سويت بيض وقتله روح اشتر خبز وتعال
المراد
انى لقيت افندى وحطيته مع البيض
وكان طبق اليوم :P
الطباخ فن و على قولتهم يبيله نفس
بالنسبه لي
اصعب شي طبخته بلاليط و بيض
هذا اذا يعتبر طبخه جدية
بالتوفيق
تكفوووون علموووني انا ميييييح ولازم اتعلم .. انا الجوله اخااف منها كلها اتخيلها شابة ونار وحارقتني .. علموني جزاكم الله خير !! أو قولولي منو يقدر يعلمني هل في دورات او شي جذي !!
Sara : انصحج تتعلمين بكتاب المطاحن لان وصفاته سهله ومضمونه وسريعه
Post a Comment