تائب
.jpg)
مو تائب
!!!
مقابلة حسين الاحمد بتلفزيون الوطن ببرنامج تو الليل حدها غريبة عجيبة وتضحك بعد..تاب ولا رد يغني شي بينه وبين ربه محد يتدخل فيه...بس كلامه بالمقابله غريب ومتناقض
- كل ما سألوه عن شي قال اسمحولي ماقدر اذكر أسامي
- ماكان رايح افغانستان كان رايح ايران يسوي اسنانه
- لما كان تايب ناس عرضوا عليه شيكات على بياض عشان يسب الرسول والاسلام
- مايبي يكون اهوه وفرعون بنفس الاوتيل
- ما يبي الناس تزعل منه (دامك مقتنع باللى سويته ليش خايف من الناس(؟؟
- يقول ان لحيته وقت التوبه ما كانت طويله!!! عجبي
- استشار محمد الدغيشم قبل لا يرد يغني
16 comments:
واااي من امس وانا منبهره منه
!!
اشوة في احد شاف المقابله غيري
وكل شوي يقول حاطين علي
وما اقدر اتكلم
ويقول حق نادية شنو هالاسئله
انزين انته مو شايف الاسئله اساسا قبل لا تدخل البرنامج
!!
شخص غريب جداااا
يا جمااعة ..
ان الله يهدي من يشااء ..
مو احنا الي نحاسب الناس .. ليش اهتدت و ليش عصت ..
راح ايي يوم اسمه يوم القيامة باذن الله .. و كل واحد رااح ياخذ يزااه و حقّه ..
اما سالفة انكم تطنزون ع الريال .. ترى هذا ما يجووز ..
صج اني ما زلت مصدوومة .. و ضاايق خلقي .. و حايشتني حالة اكتئااب حاادة..
لكن الله سبحانه يعلم ما في الصدوور ..
و الي الله كاتب ان يهديه راح يهديه ..
" انك لا تهدي من أحببت و لكن الله يهدي من يشاء " ..
و الله لو كنت اقدر اهدي كل الناس الي احبهم .. جاان ما سكت .. لكن سبحاان الله لحكمة لا يعلمها الا الله سبحانه ..
تركوا عنكم الخوض في نوايا الناس .. و سوء الظن ..
و اسألوا الله الثباات على الحق ..
ترى و الله محد ضاامن نفسه ان بيظل على الهدى او على الضلال و العياذ بالله ..
اللهم يا مقلب القلوب ثبت قلوبنا على دينك ..
" لا تظهر الشماتة بأخيك .. فيعافيه الله و يبتليك " ..
اللهم اغفر لنا و لا تآخذنا بذنوبنا انك انت الغفور الرحيم ..
سبحانك اللهم و بحمدك أشهد ان لا اله الا انت أستغفرك و اتوب اليك ..
estekana : اى والله شخص غريب وكلامه اغرب
anonymous :انا قلت بأول كلامي انه اذا تاب ولا لأ هذا شي بينه وبين ربه..بس شخص طالع بجهاز اعلامي ويتكلم عن تجربته المفروض يكون كلامه متوازن ومنطقي..مو بس يقط كلام ويبي الناس تتعاطف معاه...دامه مو قادر يوصل افكاره حق الناس افضل له انه ما يطلع عشان ما يسئ حق نفسه
انا الي رديت أمس ..
الي بداية ردي يا جماعة .. =)
صح كلامج / كلامك
ان كلامه لازم يكون كلامه متوازن و منطقي ..
بس الي مثل حالته .. اكيد بيكون مرتبك و حالته حالة ..
يعني الي اقصده التمسوا العذر للناس مهما كانت أخطاءهم ..
اذا كان رب العباد سبحانه يغفر أعظم المعاصي للانسان اذا تاب ..
احنا البشر ندقق و نحاسب و نتكلم ..
و ننصب نفسنا مدقق حسابي ع الأوادم .. !!
الي ابي اوصله ان يا جماعة تركوا عنكم القيل و القال و كثرة الخوض بنوايا الناس و تصرفاتهم ..
يعني امس دخلت بلوق ثاني ..
انبطت جبدي من الي شفته الصراحة ..
حاطيين صورته .. و حاطين زووم على عنقوصته ..
يعني عشان مربي عنقوص .. و كاتبين سواها حسين الأحمد .. !!
يعني اذا ما تبون تقولون كلمة خير كفّوا لسانكم و ايدكم عن الشر ..
عجييب أمر هالناس ..
" من كان يؤمن بالله و اليوم الآخر فليقل خيراً او ليصمت " ..
اخوي / اختي .. و الله ما اقصد اجرحكم بكلمة او شي ..
بس الي ابيه هو نصيحة اخوية لوجه الله ..
اذا بغى اي كاتب ان يكتب شي .. خل يفكر بالي بيكتبه ..
هل راح يفيد الناس .. و الا راح يضرهم ..
و الا ما راح يفيد و لا راح يضر .. !
اذا كان راح يفيد .. يكتبه من غير تردد ..
اما اذا كان راح يضر .. لا يفكر يكتبه مهما كانت اهميته ..
اما اذا كان لا يفيد و لا يضر .. فالامر راجع للكاتب نفسه .. ان بغى يكتب .. و ان ما بغى لا يكتب ..
يعني هالموضوع .. شنو بيفيد الناس فيه .. بالمقابل .. قاعد يضر انسان .. يعني تخيل هالشخص دخل البلوقات و قرا هالكلام .. شنو بتكون ردة فعله .. اكيد بيتضايق حيل ..
و لو كل وااحد حط نفسه مكان كل انسان مبتلي .. و الله الدنيا بتكون بخير ..
بس للاسف احنا ما علينا الا من نفسنا ..
اما غيرنا مو لازم ما يهمنا و لا لنا شغل فيه ..
على فكرة .. ترى هالانسان ما اعرفه و لا يعرفني ..
و تربطني فيه صلة قرابة لا من قريب و لا من بعيد .. لكن الي ما احبه بالناس كثرة الحجي و القيل و القال ..
خلوا العباد لرب العباد ..
آسفة ع الاطاالة .. ^^"
أختكم : بقايا انسانة .. ^^
"و تربطني فيه صلة قرابة لا من قريب و "لا من بعيد
تصحيح لهذي الجملة ..
و لا تربطني فيه صلة قرابة لا من قريب
و لا من بعيد
عشان بعد لحد يقول اكيد تصيرله و قاعدة تحابي عنه ..
لا و الله لا اصير له و لا اعرفه .. و لا شي ..
اصلا ما عرفته الا من برنامج ساعة صراحة مال العوضي ..
و عسى الله يهديه و يرده اليه ردا جميلا .. هو و كل المسلمين و المسلمات ..
و عسى الله يغفر لنا و يرحمنا برحمته يااااااارب ..
اللهم آمين ..
anonymous : عزيزتي ندري ان الله يهدي من يشاء مو شي يديد يعني...ويمكن يكون هالبوست صج ما يفيد احد بشي...بس هذا بلوج يعني مساحة شخصيه وكل واحد يكتب اللى يبيه ويعبر عن رايه...وكل الكلام اللى كتبته عنه مقتبس من كلامه اهوه بالمقابله ما زدت شي من عندي يعني
شاكره متابعتج
معااج حق حبيبتي .. بس و الله ما كنت أبيج تطيحين بغيبته مابيج تستاثمين .. =)
و اسمحيلي ناشبتالج نشبة .. :D
بس بغيت أسأل ما عليج امر .. الحلقة سجلتيها و الا لأ ؟
بصراحة ودي اشوفها لاني ما شفتها عدل .. اذا عندج اياها حطيها لنا ما عليج أمر .. =)
أختج في الله :
بقايا انسانة
سواء تاب او ما تاب ما كان له داعي ان يجذب جدام الناس وبتلفزيون المقابلة كلها جذب بجذب
بقايا انسانه : لا اختي عادي تمونين ويزاج الله خير بس اتوقع الحلقه تحصلينها بيوتيوب
chatterbox مسكين يبي يبرر للناس تصرفه فللازم يرقع يقولب بالحجي
:)
مادرى بس اقول شي واحد
الله يهديه ويهدي تفكيره
ودي اعرف قصته
كيفه عقله براسه ويعرف خلاصه
بس عاجبني العنوان راكب :)
أول زيارة لي حق البلوق وعجبني بالتوفيق حبيبتي :)
هذا مسكين .. الله يرحم حاله
الحمدلله الذي عافانا مما ابتلاه
انا هم شفت المقابلة وكل ما نسأل قال مابي ادش بتفاصيل ويسكت عيل ليش ياي المقابلة
الله يهدييه بط جبدي
لا حول ولا قوة الا بالله الفتن كثيرة والحياة صعبة يا رب يا مقلب القلوب والأبصار ثبتنا بالقول الثابت.... ثبتنا يا رب العالمين
Post a Comment