في البوست اللى طاف تعرضت حق طوفان من السب من احد البلوقز واللى انا متأكده ان كان متعرض للاختراق لانه كان يعلق على مواضيعي من قبل وكان قمة الاخلاق والذوق.... المهم انا من الخرعه سكرت الكومنت وماعرفت شسوي وحتى كنت بلغي البلوق بكبره...عاد عقب ما تمالكت اعصابي وييت بلغي التعليقات البايخه اللى انكتبت ماعرفت اردهم!!! حاولت مني مناك بالسيتينج هم ما عرفت كل شي مقفل ما يطلعونلي الكومنتس!!! فخلاص يأست قلت ماكو فايده...وقلت بكتب بوست يديد واشوف شيصير .. وانا قاعده اتعبث شوي ولا يردون الكومنتس يطلعون مرة ثانيه!!!قلت زين الحمدلله على السلامه... مسحت الكلام البايخ وضبطت الشغل كله وبرجع اكتب مره ثانيه فيه...المهم انا للحين مو عارفه سبب هالشي اللى صار؟هل اهو مجرد لعانه وسوء تربيه وتحرش؟ ولا عشان نوعية الموضوع نفسه؟ ولو اني شايفه انه حده عادي ... عاد انا على هالموقف طلعت لي حكمة عجيبه.... " انا انسب اذن انا موجود" :P~~~~~~~
WithOut Title!
Subscribe to:
Post Comments (Atom)
14 comments:
إنتي الظاهر تضغطين على اللينك إللي هالزغل حاطه بتعليقه
هذا داير بالمدونات يسوي جذي
عفس جهازي هالجلب بس آنا بسرعة سكرت البراوزر
لاتدوسين على أي لينك إلا لما تتأكدين منه
anaymouse لا والله ...المسبات ما يتني من هذا الزغل هههههههه...على فكرة ..شنو يعني زغل؟ عسى مو كلمة مو شي؟
مسحت الكومنت ماله عشان ما يعفس جهاز احد
يبه طنش تعش تنتعش
وكل واحد وتربيته واخلاقه
والحقران يقطع المصران
وماسوو جذي الا لانهم محترين من النجاح الملحوظ بهالمدونه
اصابع ايدينج مو كلها سوا
والمدونين فيهم الزين وفيهم الشين هذا غير اللي يبون يشوهون سمعة المدونين
بس احنا لازم نواجههم وما نخليهم يوصلون حق اللي يبونه واهوا انهم يخلونا نبطل تدوين
شيماء: عاد انا دايما هذي سياستي طنش تعش بس هالمرة شوي اثرت علي ومشكورة على كلامج العسل رفعتي معنوياتي
فتى الجبل: عدل كلامك والمدونين والنعم فيهم عشان جذي انا قلت اكيد ان اللى سبني واحد مخترق صفحة مدون يعني مدون تقليد مو اصلي....وانا واجهته مواجهة الابطال:P~~
سلامات سلامات
اي لا تسوون فرعيات
يوزوا :P
حمدالله على السلامه
اكو مثل كويتى يقول
كل طراق بتعلوم
:)
و بسك من الفرعيات على قولة ولد الديرة
ولد الديرة: حيالله من زارني في مدوتني تو ما نورت
رجاء لا تقول فرعيه! تشاوريه! :P~~~
براقش: عاد خوش طراق ياني ...ساعات اتذكر المسبات تييني البجوه...مو قلنا تشاوريه عاد خلاص :P~~~
تكانة
الاناء بما فيه ينضح
ولا يهمج
:)
وينج
دائما الشجر المثمر يحذف بالحجاره..والمثل يقول القافله تسير والجلاب تنبح.....بعدج ماشفتي شي وياااامالج بتشوفين بس الدنيا يبيلها صـــــــــــــــــــــــــبر
وسلامتج
عثماني : صاج والله يا وخييي
شيماء الكندري: بعد عمري كله فاقدتني انتي
ام الحفيز : عدل كلامج والله...بس التعليق الثاني النمرة غلط هههه
3adi kelena net3arath lel sab
chenna mako ghairna a7ad ysebboona
!!
Post a Comment