تساؤلات او هلوسات الويك اند... مادري
- ليش كل مذيعات الاخبار يلبسون بوالطو
- ليش كل البنات صارو رياضيات "مؤنث رياضيين" وصار لبسهم كله ترينيج؟
- ليش صارو الناس بالعيد مايعيدون بالديره واللى مايسافر يحجز شاليه
- ليش المجمعات الصبح زحمة اكثر من الليل؟ "شنو محد قاعد يداوم؟
- ليش كل ما مجموعة ناس هبو بشي تلاقي كل الكويت هبو فيها بغض النظر هالشي يناسبهم ولا لأ
- ليش منصب الوزير صار منصب طارد حق اى شخصية او كفاءة تبي تسوي شي حق الديره؟
- ليش يسوون اجتماعات قمة عربية؟
- ليش حليمة بولند تسوي حركة خشيم الفار ؟ LoL
- ليش قاموا يسوون الاستقبالات بالمستشفيات؟
واخيرا وليش اخرا .. ليش انا قاعده اتحلطم الحين؟
18 comments:
والله كلامج عدل مدل
ويع احس صرت مليقة
لوووول حركة حليمه و الله ضحكيتيني
new bride : نورتي البلوج والله :)
ياك كثر ما تحلطمتى:)
اخذى اجازة وسوي مثلهم
مع ان افضل طلعات الويك دي وباليل بالهدوء :)
لوول على التحلطم والله احلى تحلطم ونستيني منن صج
و بعدين على الصبح و انا شفيني اي خلاف كله بالدوام خل اكشتف و اروح نفس الاوادم
شاده حيلي الفاضي لوول
nice post
salamz sweetee...
صج ... ليش!!؟
:)
5roofa : نورتي البلوج والله :)
ليش كل مذيعات الاخبار يلبسون بوالطو؟
لانه برد داخل الاستيديو
-شمعنى بس مذيعات الاخبار والباجي ما عليهم برد -:P
ليش كل البنات صارو رياضيات "مؤنث رياضيين" وصار لبسهم كله ترينيج؟
موضه حلوه ويمكن لانه التريننج صاير حلو
على البنات هالايام
-مو كل البنات عليهم حلو
- :P
ليش صارو الناس بالعيد مايعيدون بالديره واللى مايسافر يحجز شاليه؟
وايد لويه وناس فوق ناس ومشاكل واختلاف حضارات يعني ناس مادري من وين يايين تلاقينهم بهالاماكن خاصتا بالاعياد فالواحد يشتري راحته ويبعد
-عدل- :)
ليش المجمعات الصبح زحمة اكثر من الليل؟ "شنو محد قاعد يداوم؟
اغلبهم طلبة معاهد وجامعات وموظفين القطاع الحكومي
- الاكثرية موظفين والله - :)
ليش كل ما مجموعة ناس هبو بشي تلاقي كل الكويت هبو فيها بغض النظر هالشي يناسبهم ولا لأ؟
مع الخيل يا شقره .. يعني احنا موديرن
-عدل- :)
ليش منصب الوزير صار منصب طارد حق اى شخصية او كفاءة تبي تسوي شي حق الديره؟
لانه عيال الاوادم ما يضيعون صيتهم وهيبتهم على مجموعة رعاة بقر ما يجيدون الا الصراخ والتشهير والاهانه
-هم عدل - :)
ليش يسوون اجتماعات قمة عربية؟
عشان يستنكرون وهم عشان يتجمعون بمكان واحد وشوف بدلتي اكشخ من بدلتك وطيارتي افخم من طيارتك والطيب والبخور اللي استخدمه احلى من اللي تستخدمه انت
واعطاء المقسوم حق الطرارين
-هم عدل :P~~
ليش حليمة بولند تسوي حركة خشيم الفار ؟ LoL
يمكن تبي تتحول فار
اى الظاهر جذي-:P
ليش قاموا يسوون الاستقبالات بالمستشفيات؟
عشان الناس اتييب الهدايا بأسرع وقت
وهم عشان لا يضايقون الوالد فبيتها
وايون بأوقات تكون فيها تبي ترتاح
طول الاربعين
يعني وايد مستعيلين على الهدايا :P~~
عثماني : مادري انت شرايك :)
a3teqed b3ad rd manaf
ana ma 3ndi shy agoolah :)
bs abi agool kel 3am o enty 7elwa
:)
اهم شي خشيم الفار
:P
لان فراغه ماكو شغله ولامشغله علشان جذي كل شي تلخبط فوق وحدر
يبه تحلطمي واحنا نسمعج
وكل عام وانتى بخير
ليش كل مذيعات الاخبار يلبسون بوالطو
عشان مذيعاتنا ما عندهم رمانة جتف ... شفتي رمااانااات مذيعات
LBC ?!!
ما شاء الله جنهم متعلقين من جتووفهم
ليش كل البنات صارو رياضيات "مؤنث رياضيين" وصار لبسهم كله ترينيج؟
ما عرفنالكم أن كشخوا .. قلتوا ليش الكشخه !؟
وأذا صاروا
Casual
قلتوا ليش !؟
:)
ليش صارو الناس بالعيد مايعيدون بالديره واللى مايسافر يحجز شاليه
لأن الديرة صايرة مُغمه وتطفش اللي ما يتطفش
ليش المجمعات الصبح زحمة اكثر من الليل؟ "شنو محد قاعد يداوم؟
توج تدرين أن محد يداوم !؟
:)
ليش كل ما مجموعة ناس هبو بشي تلاقي كل الكويت هبو فيها بغض النظر هالشي يناسبهم ولا لأ
لأن الكويتيين فيهم مرض المطالع .. يتطالعووون
ليش منصب الوزير صار منصب طارد حق اى شخصية او كفاءة تبي تسوي شي حق الديره؟
لأن البلد مووو هامتهم ... مصالحهم الشخصية أهـــم
ليش يسوون اجتماعات قمة عربية؟
حق الشماته يا سعد
ليش حليمة بولند تسوي حركة خشيم الفار
أهي بس على حركة خشيم الفار ... سيرتها بروحها تيبلي الحارج
ليش قاموا يسوون الاستقبالات بالمستشفيات؟
فـــكه يااااا معوووده
ليش انا قاعده اتحلطم الحين؟
لأن أذا ما تحلطمتي راح تينيين ... الوضع بالبلد أينن اللي ما أيتينن
بوووست جميل
:)
خليلبسون بوالطو يامعودة ولا خلاقينهم
انتي الظاهر اتطالعين وطن تي ف
التريننج راحةوناسة وزقرت بس لا تييج ابمكوة وترييننج ضيج وقصير بالهوي
العيد هممم مادري
المجمعات زحمة سمعة اننه الصبح التفتيحات والصبح صخة
الكويت=هبه
مايعرفون يشوفون احد عنده شي واهو ماعنده صعبة عليهم يتعبون نفسيا
منصب طارد من هالاشكال حشاج بالمجلس
اجتماعات قمة هممم تفقق
حليمووو وييعع وييع وييع يات على خشيم الفار
استقبالات المستشفى فكة اشوية نقعد ومانروح البيوت وراحة لهم وكذا وحدة يصادف في المستشفى فهم فكة
وانتي اتتحلطمين حالتج صعبة
بس انا اتحلطم اكثر منج
فانطلقي
امبيه جني قرقت وايد
رجاءا
اصلا لو مو خشيم الفار مال حليمة جان قطيت التلفزيون من فوق السطح
و خليت راجو يلقفة لأنه بلازما :P
كلش ولا حليمة عاد
بس تساؤلات في محلها :)
لووووووووول اهم سؤال مال ليش يسوون الاستقبالات بالمستشفياات
تووني مخلصه هالسالفه مع اختي
ترا جد احسها غباء
حمدلله والشكر شنو يعني استقبال بو 4 ايام واذا ما ييتي بهالايام خلاص لا تيين
وي عشتوااا ليش انشالله
ماني يايه زين
لوووول جني انا قمت اتحلطم بعد؟
سبب تحلطمج نفس سبب تحلطمي عاد لا تسالني شنو اهو السبب
:)
خوش بلوق يونس :)
لانج عايشه بديره بطيخ
وينج يمه طولتي علينا
Post a Comment