مع ان مستوى المسلسلات الكويتيه انحدر وابدا ما يعكس واقع المجتمع الكويتي بشكله الصحيح... لكني ملاحظه ان تلفزيون الراي بالفتره الاخيره قاعد ينتج مسلسلات بالمره مافيها اى قيمه فنيه.. بس مجرد ملء ساعات البث على غير معني.. مسلسل جمانه الرائعه الفنيه اللى اتحفنا فيه قبل فتره ..لا قصه ولا حوار ولا ترابط درامي مجرد اشخاص يتحجون بدون هدف.. والتحفة الثانيه شي ماقدر اسميه مسلسل اسمه مذكرات امونه!! مواقف كوميديه عفا عليها الزمن ... يعني لو بطالع مذكرات بو عليوي ولا اجلح واملح يمكن بستانس اكثر... انا بس بقول حق هالناس اللى تسوي هالمسلسلات شوفو حلقه وحده من ديسبرت هاوس وايفز وانتو تعرفون شنو التلوث العقلي اللى قاعدين تعرضونه لنا
هذا بوستر اجلح واملح للى مايعرفه :P
8 comments:
حسافة موشايفة هالمسلسل
لكن شايفة كثير غيرة
من المسلسلات االكويتية القديمة الهادفة
قصه ومعنى وحلول
وغير هذا كوميديا راقيه
تخلى الواحد يضحك من قلب
أنا شفت مذكرات امونه
وحسيت بمدى ضخامة تفاهة المنتجين
الله يرحم أيام أول
مشكلتنا إن كلما زاد تطورنا انهارت أكثر قيمنا وتردت معاييرنا زود
aldenya: اهوه مسلسل قديم كلش ابيض واسود بس اللى حبيبت اوضحه ان قبل على امكانياتهم وبساطتهم كانوا يسوونشي له قيمه وصراحه انا تذكرت اجلح واملح لما شفت مذكرات امونه لان اللى كاتب هالمسلسل عايش بعقلية الستينات
fahad askar: فعلا هذي المشكله
والله من زود الملاقة والناس اللى ما عندها حس فنى
سواء معدين او كتاب او ممثلين
شى يلوع الجبد
المسلسلات القديمة لى الحين لو الواحد يطالعها يضحك ويحس انها عفوية
مشكورة على الموضوع:)
الزمن اللي تصير فيه الكاتبه المعقده ،، مبدعه
و الممثله البقره ،، قديره
و تملأ فيه مغامرات الممثلين صفحات الحوادث في الجرائد
و لا يعلوا فيه صوت فوق صوت المال
يخرج لنا مثل هذا الانتاج الفني ... الدايخ
mishari : اى والله للحين اطالع درب الزلق ورقيه وسبيجه واضحك
حسام بن ضرار : اى والله كل من هب ودب قام يألف وكل من صار عنده فلسين قام ينتج وحط له شركة انتاج وبالنهايه تطلع لنا هالروائع الفنيه هذي
ماكو أحلى من المسرحيات القديمة ,,
أقدر أقول لي سنة 1993 أو 1994 بس !!
بعدها بدا الانحدااااار
اي مسلسلات بتلفزيون الكويت صللوا عالنبي بس
اذا هالأشكال تبي تمثل مجتمعنا ما نبي مسلسلات كافي عليهم اعلان صابونه ولا بامبرز
اكو عائلة عيالها كل واحد شكله غير و يتكلم لهجة غير ؟ إلا مسلسلات الكويت عذاب و جحيم لفو و ناس يايبينهم قطية من كل زبالة ممثل و ممثله
للأسف أساؤو للوسط الفني و الإعلامي
مهزلة لما تشوف ممثل لسانه وصخ بالسيناريو او شوارعي كأنه قاعد عالرصيف و يتكلم بتلفزيون حكومي يمثل لهجتك و مجتمعك امام الفضا
Post a Comment